«Մենք որևէ էթնիկ, կրոնական խմբի հետ խնդիրներ չունենք»․Հուլուսի Աքար
Թուրքիա
Թուրքիայի, Ռուսաստանի և Սիրիայի ղեկավարները կարող են հանդիպում անցկացնել։ Այս մասին NTV հեռուստաալիքին տված հարցազրույցում ասել է Թուրքիայի ազգային պաշտպանության նախարար, բանակի գեներալ Հուլուսի Աքարը։
Նա նշել է, որ նման հանդիպում կարող է կայանալ, եթե ստեղծվեն անհրաժեշտ պայմաններ. «Սկզբում որոշակի քննարկումներ են տեղի ունեցել մեր հետախուզական գերատեսչությունների միջև, այնուհետև կայացել է նախարարական հանդիպումը: Մոսկվայում կայացած հանդիպման ժամանակ մտահոգություն ենք հայտնել և՛ ռուսական, և՛ սիրիական կողմերին։ Բացասական արձագանք չի եղել»։
Աքարն ասել է, որ Մոսկվայում կայացած հանդիպմանը կողմերի ուշադրությանն է ներկայացվել, որ Թուրքիայի միակ նպատակը ահաբեկչության դեմ պայքարն է. «Մենք որևէ էթնիկ, կրոնական խմբի հետ խնդիրներ չունենք»։
Նշենք, որ դեկտեմբերի 28-ին Մոսկվա էին այցելել Թուրքիայի ազգային պաշտպանության նախարար, բանակի գեներալ Հուլուսի Աքարը եւ Ազգային հետախուզության վարչության պետ Հաքան Ֆիդանը։ Նույն օրը կայացել է ՌԴ պաշտպանության նախարար, բանակի գեներալ Սերգեյ Շոյգուի և Սիրիայի պաշտպանության նախարար Ալի Աբդուլլահ Այուբի եռակողմ հանդիպումը։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
