Ռուսաստանցի փաստաբան Գենադի Ուդունյանն ուղարկվել է քննչական մեկուսարան

Ռուսաստանցի փաստաբան Գենադի Ուդունյանը, որը հայտնի է բլոգեր Էդվարդ Բիլի ու Արդյունաբերության և առևտրի նախարարության նախկին պաշտոնյա Դենիս Պակի պաշտպանությամբ, Մոսկվայի Պրեսնենսկի դատարանի որոշմամբ ուղարկվել է քննչական մեկուսարան։ Այս մասին Telegram-ում հայտնում է մայրաքաղաքի ընդհանուր իրավասության դատարանների մամուլի ծառայությունը, հաղորդում է Lenta.ru-ն։

Ուդունյանի խափանման միջոցը որոշ գործողություններ կատարելու արգելքից փոխվել է կալանավորման։ Սկանդալային փաստաբանը մեկուսացման մեջ կմնա առնվազն մինչև 2023 թվականի հունվարի 25-ը։ Նրան մեղադրանք է առաջադրվել ՌԴ Քրեական օրենսգրքի երեք հոդվածով՝ դիտավորությամբ թեթեւ մարմնական վնասվածք հասցնելու, տան անձեռնմխելիության խախտման՝ բռնության և խուլիգանության գործադրմամբ։

Ինչպես պարզաբանում է РБК-ն, Ուդունյանին արգելել են որոշակի գործողությունների՝ 2021 թվականի հոկտեմբերին ռեստորանի մոտ տեղի ունեցած ծեծկռտուքի հետաքննության պատճառով։ Այն ժամանակ նա այցելուների հետ վիճաբանությունից հետո ատրճանակը ուղղել էր դեպի ռեստորանի անվտանգության աշխատկիցները։

Ավելի ուշ՝ այս տարվա նոյեմբերին, նա հյուրանոցում ծեծի է ենթարկել իր նախկին ընկերուհուն՝ Դարիա Գլուշակովային՝ ֆուտբոլիստ Դենիս Գլուշակովի նախկին կնոջը։ Ուդունյանը հերքել է մեղադրանքները։ Սակայն փաստաբանի վրա հարձակվելու կասկածների պատճառով նրան տեղափոխել են քննչական մեկուսարան։