Ամանորի գիշերը ալկոհոլ օգտագործելու և կանանց հետ զվարճանալու համար իրանցի ֆուտբոլիստներ են ձերբակալվել. RMC Sport

Դեկտեմբերի 31-ին մի քանի իրանցի ֆուտբոլիստներ են ձերբակալվել ամանորյա երեկույթին մասնակցելու համար, որտեղ ներկա են եղել նաև կանայք, հայտնում է RMC Sport-ը:

Ձերբակալվածները գործող խաղացողներ են, ինչպես նաև իրանական ակումբներից մեկի մի քանի նախկին ֆուտբոլիստներ, որոնք հանգստանում էին երկրի հյուսիսում գտնվող Դամավենդ քաղաքում։ Նրանց անունները չեն նշվում։

Ձերբակալված ֆուտբոլիստներից ոմանք ալկոհոլ օգտագործելուց հետո հայտնվել են ոչ ադեկվատ վիճակում։ Իրանի օրենսդրության համաձայն՝ ալկոհոլի օգտագործումն ու վաճառքն արգելված է։

Հիշեցնենք, որ սեպտեմբերի կեսերից Իրանում լայնածավալ բողոքի ակցիաներ են անցկացվում 22-ամյա Մահսա Ամինիի մահվան կապակցությամբ, ով, ըստ պարբերականների, խոշտանգումների է ենթարկվել փոխոստիկանության կողմից հիջաբը ոչ պատշաճ կրելու պատճառով։ Իրանցի մի քանի ֆուտբոլիստներ ձերբակալվել կամ հետապնդվել են իշխանությունների կողմից՝ ցույցերին աջակցելու համար։