Գերմանիայում պահանջում են պաշտպանության նախարարի հրաժարականը
Համաշխարհային Մամուլ
Գերմանիայում ամենամեծ ընդդիմադիր դաշինքի առաջնորդներ Ֆրիդրիխ Մերցը և Մարկուս Զեդերը կոչ են արել փոխել Գերմանիայի պաշտպանության նախարար Քրիստին Լամբրեխտին, գրում է Süddeutsche Zeitung-ը։ Նրանց կարծիքով, նրա հրաժարականը տրամաբանական ելք է նախարարի դիմումի շուրջ ծագած աղմուկից։
«Որքա՞ն ժամանակ է կանցլերը ցանկանում դիտել սա: Տիկին Լամբրեխտի պաշտոնավարման ամեն ժամ թուլացնում է կանցլերի հեղինակությունը։ Ոչ միայն մեր զինվորները, այլ նաև ողջ աշխարհի պաշտպանական փորձագետներն են խոսում, թե որքան անշնորհք և ապաշնորհ է մեր երկրի պաշտպանության նախարարը»,- ասել է Մերցը։
Ինչպես նշել է Զեդերը, Լամբրեխտն ավելի ամուր է «կպել իր աշխատասենյակին», քան որևէ «կլիմայական սոսինձ»: Նա նաև հավելել է, որ ժամանակն է, որ նա վերջապես թոշակի անցնի։
«Նախարարը վերջապես պետք է հրաժարական տա, այլապես պաշտոնանկ պետք է արվի։ Կանցլերը նշանակեց Լամբրեխտին, հիմա նա էլ պետք է լուծի այս կադրային խնդիրը։ Մեր զինվորները արժանի չէին նման նախարարի»,- ընդգծել է Զեդերը։
Ամենադիտված 
Մնաս բարյավ. Րաֆֆի Հովհաննիսյան
