Էրդողանը Պուտինի հետ խոսել է ուժի դիրքերից․ մանրամասներ հեռախոսազրույցից

Թուրքիայի նախագահ Ռեջեփ Թայիփ Էրդողանը հունվարի 5-ին կայացած հեռախոսազրույցում Վլադիմիր Պուտինին ասել է, թե ինչ պետք է անի, որպեսզի մյուսները հավատան Ուկրաինայում խաղաղություն ցանկանալու իր խոսքերին։ Թուրքիայի ղեկավարն ասել է, որ ռուս-ուկրաինական պատերազմում խաղաղության ջանքերը պետք է աջակցվեն Ռուսաստանի Դաշնության կողմից միակողմանի զինադադարով և «արդար լուծման տեսլականով»։

«Խաղաղության և երկխոսության կոչերը պետք է աջակցվեն ռազմական գործողությունների միակողմանի դադարեցմամբ և տարաձայնությունների արդարացի կարգավորմամբ»,- ասել է Էրդողանը։

Ինչպես հայտնում է Reuters-ը՝ երկու նախագահների հայտարարության մեջ ասվում է, որ իրենք քննարկել են էներգետիկան և սևծովյան հացահատիկային միջանցքը, և որ Էրդողանը Պուտինին ասել է, որ պետք է կոնկրետ քայլեր ձեռնարկել Սիրիայի սահմանային շրջանը «քուրդ զինյալներից մաքրելու համար»:

Ըստ ամենայնի, Թուրքիայի ղեկավարն այս հեռախոսազրույցը վարել է ուժի դիրքերից։ Քանի որ նա Կրեմլի ղեկավարի համար տհաճ թեմաներ է բարձրացրել և փաստացի առաջ քաշել այն, որ ինքը կլուծի Սիրիայի և դրա հետ սահմանի անվտանգության հարցը, քանի որ Ռուսաստանը չի կատարում իր պարտավորությունները։

Էրդողանը Պուտինին փոխանցել է, որ Թուրքիայի սահմանային շրջանները պետք է մաքրվեն PKK-ից և նրա սիրիական թեւից՝ YPG-ից, ասվում է կապի վարչության հայտարարության մեջ։