«Հայաստանում գրքերի շնորհանդեսները վերածվել են բաժակաճառերի». Լևոն Անանյան
Գիտություն և Մշակույթ
«Հայաստանում գրքերի շնորհանդեսները վերածվել են բաժակաճառերի, այնինչ հեղինակն ինքը պետք է ներկայացնի իր գիրքը», – այսօր լրագրողների հետ հանդիպման ժամանակ հայտարարեց ՀՀ Գրողների միության նախագահ Լևոն Անանյանը։
Նա նշեց, որ այդ մշակույթը պետք է վերականգնել. 2012–ի ծրագրերից մեկը դա է։
«2012–ի կարևորագույն ծրագրերից մեկը սփյուռքի հայ գրողներին համախմբելն է Գրողների միության հետ և գրքերի շնորհանդեսների ժամանակ կանդրադառնանք նաև սփյուռքահայ երիտասարդ գրողներին», – տեղեկացրեց Գրողների միության նախագահը։
Նա տեղեկացրեց, որ Գրողների միությունը առաջարկ է ներկայացրել Մշակույթի նախարարությանը որպեսզի գալիք տարվա ընթացքում Մայր Աթոռ Սուրբ Էջմիածինը, ՀՀ բոլոր ԲՈՒՀ–երը միասին ներկայացնեն «ՀՀ մշակույթը 2020 թվականին» գիտաժողովը, որտեղ առաջիկա տասը տարվա կտրվածքով կկանխեն գրականության կործանումը։
«Մենք նաև հասարակությանը հուզող հարցերից արտագաղթին էլ ենք անդրադարձել, որը քննարկելու են ԱԺ–ի համապատասխան ժողովում», – տեղեկացրեց Լևոն Անանյանը։
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
