Որն է Պուտինի «պարադոքսը»՝ ըստ Մակրոնի. The Telegraph

Ֆրանսիայի նախագահ Էմանուել Մակրոնը հայտարարել է, որ ՌԴ նախագահ Վլադիմիր Պուտինի «պարադոքսն» այն է, որ վերջինս «տհաճ» մարդ չէ։ Այս մասին հայտնում է բրիտանական The Telegraph թերթը։

«Երբ հանդիպում ես նրան, նա տհաճ մարդ չէ։ Սա է պարադոքսը»,- ասել է Ֆրանսիայի ղեկավարը։

Հրապարակման մեջ ասվում է, որ Մակրոնը փետրվարին հատուկ ռազմական գործողության հայտարարման օրվանից ի վեր կոչ է արել երկխոսություն պահպանել Ռուսաստանի առաջնորդի հետ, սակայն ռազմական գործողությունների պատճառով, այնուամենայնիվ, քննադատաբար է արտահայտվել Մոսկվայի մասին։

Ավելի վաղ Մակրոնը վերահաստատել էր իր դիրքորոշումը Ուկրաինայում հրադադարից հետո Ռուսաստանի համար երաշխիքների վերաբերյալ։

Ֆրանսիայի նախագահի խոսքով՝ այժմ անհրաժեշտ է նախապատրաստվել խաղաղությանը, քանի որ երբ այն գա, բանակցություններ կպահանջվեն։ Ուկրաինայի համար, իր հերթին, Ֆրանսիան արդեն ապահովում է անվտանգության երաշխիքներ՝ նրան զենք մատակարարելով։ Սակայն Ռուսաստանը նույնպես պետք է ապահովի անվտանգության երաշխիքներ։