Թուրքիայի բնակիչների ավելի քան 62 տոկոսը Ռուսաստանին համարում է բարեկամ երկիր․ ԶԼՄ

Թուրքիայի բնակիչների ավելի քան 62 տոկոսը Ռուսաստանին համարում է բարեկամ երկիր, մինչդեռ 90 տոկոսը ԱՄՆ-ին համարում է թշնամի, ասվում է Gezici կենտրոնի ուսումնասիրության մեջ։ Այս մասին հաղորդում է ՌԻԱ Նովոստին՝ վկայակոչելով Ulusal TV-ին։

Հարցմանը, որը տեղի է ունեցել 2022 թվականին, մասնակցել է 2464 մարդ Թուրքիայի 24 նահանգներից։

Ռուսաստանին բարեկամ համարողների մասնաբաժինը կազմում է 62,6 տոկոս։ Ընդ որում, հարցվածների 72,8 տոկոսը կարծում է, որ «Ռուսաստանի հետ պետք է լավ հարաբերություններ հաստատել»։ Ռուսաստանի՝ որպես բարեկամի մասին հարցին, հարցվածների 18,3 տոկոսը բացասական է պատասխանել, մինչդեռ հարցվածների 8,9 տոկոսն այս հարցում կարծիք չունի։ Միևնույն ժամանակ, հետազոտության մասնակիցների մոտ 90 տոկոսը ԱՄՆ-ին անվանել է Թուրքիայի թշնամի։

Ըստ Gezici հետազոտական ​​կենտրոնի նախագահ Մուրադ Գեզիչիի, ի հայտ է գալիս մի պատկեր, որտեղ թուրք հասարակությունը «ավելի է հեռանում Արևմուտքից և ավելի է վստահում Ռուսաստանին»:

«Ռուսաստանն աջակցո՞ւմ է Թուրքիայի տնտեսությանը» հարցին հարցվածների 68,6 տոկոսը դրական պատասխան է տվել, 21,7 տոկոսը՝ բացասական, իսկ 9,7 տոկոսը պատասխան չի ունեցել։