Ուկրաինայի ԶՈւ-ն բավարար ուժ չունի նոր հարձակման համար. Bloomberg

Ուկրաինան կարող է բավարար ուժ չունենալ դեպի հարավ առաջխաղացման համար՝ Սոլեդար և Արտեմովսկ (ուկրաինական անվանումը՝ Բախմուտ) քաղաքներում կռվելու համար ռեզերվների օգտագործման պատճառով, գրում է Bloomberg-ը՝ հղում անելով Կիևի «Նոր աշխարհաքաղաքականություն» վերլուծական կենտրոնի ռազմավարական մոդելավորման բաժնի ղեկավար Իգոր Լևչենկոյին։

«Սոլեդարի և Բախմուտի շուրջ ստեղծված իրավիճակը ստիպում է մեր (ուկրաինական - խմբ.) հրամանատարությանը ավելի շատ ռեզերվներ օգտագործել այս ուղղությամբ, այնպես որ կարող է պարզվել, որ մոտ ապագայում դրանք բավարար չեն լինի խոշոր հարձակում իրականացնելու համար դեպի հարավ»,- գործակալությունը մեջբերում է Լևչենկոյին։

Նրա խոսքով, առաջիկա ամիսներին հակամարտության զարգացումը կորոշվի ոչ թե եղանակային փոփոխություններով, այլ յուրաքանչյուր կողմի հաջողություններով՝ թուլացնելով թշնամու և գարնանը վերականգնելով սեփական ուժերը։

Արևելյան Ուկրաինայում ջերմաստիճանը վերջին օրերին խիստ ցածր է եղել՝ ամրացնելով հողը և պատուհան բացելով երկու կողմերից պոտենցիալ ձմեռային հարձակումների համար, բայց դա կարող է հիմա տեղի չունենալ, նշում է գործակալությունը: Նյութում ընդգծվում է, որ հարձակման համար առավել կարևոր են այնպիսի գործոններ, ինչպիսիք են ռեզերվների, սարքավորումների և զինամթերքի առկայությունը, ինչպես նաև թշնամու համար թույլ կետեր ստեղծելու անհրաժեշտությունը: