Իրանի պաշտպանության նախկին փոխնախարարը մահապատժի է դատապարտվել Բրիտանիայի օգտին լրտեսության համար

Իրանի պաշտպանության նախկին փոխնախարար գեներալ Ալի Ռեզա Աքբարին, ով զբաղեցրել է այդ պաշտոնը 1995-2005 թվականներին նախագահ Մոհամմադ Խաթամիի օրոք, դատապարտվել է մահապատժի Բրիտանիայի օգտին լրտեսության համար։ Այս մասին հայտնում է Al Arabia-ն։

Ըստ հրապարակման՝ Աքբարին բրիտանական քաղաքացիություն է ունեցել և 2019-ից 2020 թվականներին ձերբակալվելուց և մեղադրանք առաջադրվելուց հետո նա բողոքարկել է դատավճիռը, սակայն Իրանի Գերագույն դատարանը մերժել է բողոքը։

Իրանի հետախուզության նախարարությունը հայտարարության մեջ Աքբարիին անվանել է MI6-ի «ամենակարևոր գործակալներից մեկը» և ասել, որ նա Իրանի մասին արժեքավոր տեղեկություններ է տրամադրել բրիտանական հետախուզությանը։

Աքբարին ձերբակալվել է երկարատև և բազմաստիճան հակահետախուզական գործողությունից հետո, որը ներառում էր տեխնիկական միջոցներ և ապատեղեկատվության փոխանցում, IRNA-ի փոխանցմամբ՝ հայտնում է հանրապետության տեղեկատվության նախարարությունը։

Իրանի հետախուզական գործակալությունների կողմից նրա ձերբակալության հանգամանքները չեն բացահայտվել, սակայն, ըստ BBC-ի, ինքը՝ Աքբարին, ասել է, որ իրեն խոշտանգել են և ստիպել տեսախցիկի առաջ խոստովանել այն հանցագործությունները, որոնք ինքը չի կատարել։