Պաշտոնյաների պարզամիտ «կռուտիտները». Գարիկ Սարգսյան

Շարունակելով ընթերցողների ուշադրությանը ներկայացնել այն պաշտոնյաներին, ովքեր աչքի են ընկնում իրենց հակասական քայլերով, հայտարարություններով և այնուհետև փորձում են սրբագրել իրենք իրենց՝ այսօր կանդրադառնանք Վեդի համայնքի ղեկավար Գարիկ Սարգսյանին:

Բոլորի հիշողության մեջ դեռ վառ է, թե ինչպես էր Գարիկ Սարգսյանը հանրությանը, ողջ Արարատի մարզի բնակչությանը, խոստանում մարզում կոկորդիլոսաբուծարան հիմնել։

Այնուհետև ամիսներ անց պարզ դարձավ, որ որևէ կոկորդիլոսաբուծարան մարզում չի հիմնվելու և նման գաղափարը ջրվեց հենց իր՝ մարզպետի կողմից:

Այնուհետև գործը հասավ օդային տրանսպորտին, ինչպես հասկանում ենք՝ այստեղ էլ բախտը Սարգսյանին չժպտաց, և նա ստիպված էր հանրությանը բացատրություններ ներկայացրել, թե ուր մնաց՝ դիցուք օդային տրամվայը։

Այս ամենին հաջորդեց Սարգսյանի հայտարարությունը, որ մարզում 40  հազար հեկտարի հասնող ինտենսիվ այգիներ կան: Ինչ խոսք, այս հայտարարությունը զարմացրեց ոչ միայն արարատցիներին, այլ անգամ Նիկոլ Փաշինյանին: Այնուհետև Սարգսյանը ստիպված էր բացատրել, որ աթիլային ինտենսիվ այգիները 566 հեկտար են, իսկ ինչ վերաբերում է 40 հազարին, որը նա շփոթմամբ նշել էր ՀՀ վարչապետ Նիկոլ Փաշինյանի եւ Արարատի մարզի բնակիչների հետ հանդիպմանը, ապա մարզպետը նշեց՝ 42 հազար հեկտարը մշակվող հողատարածքներն են։

Գարիկ Սարգսյանի հերթական սկանդալային հայտարարությունը վերաբերվում էր նրան, որ ըստ պաշտոնյայի՝ ուժայինները օրվա իշխանության սպասարկուներն են: Հետագայում, իհարկե, Սարգսյանը ստիպված էր սրբագրել իր խոսքերը, որոնք որևէ կերպ չէին համընկնում հեղափոխականների հռչակած ժողովրդավարական դոկտրիններին...

Բացի այդ, նշենք, որ 44 օրյա պատերազմի ավարտից հետո Գարիկ Սարգսյանը հայտարարեց, որ ինքը անձամբ մասնակցել է Շուշիի պաշտպանությանը: Վերջինիս, սակայն, հերքեց Սեյրան Օհանյանը, ով այդ ընթացքում նույնպես Շուշիում էր: Նա հայտարարեց, որ Սարգսյանը Շուշիում պաշտպանության օպերացիային չի մասնակցել:

Շարունակելի...