Պաշտոնյաների հակասական քայլերն ու հայտարարությունները. Դավիթ Սարգսյան

Շարունակելով ընթերցողների ուշադրությանը ներկայացնել այն պաշտոնյաներին, ովքեր աչքի են ընկել իրենց հակասական հայտարարություններով և քայլերով, այսօր կանդրադառնանք Դիլիջանի համայնքապետ Դավիթ Սարգսյանին: Նշենք, որ վերջինիս ԺՊ նշանակվելուց անմիջապետ հետո սոցցանցերում ձևաթուղթ էր հրապարակվել, որտեղ նորանշանակ ղեկավարն իր անձնական տվյալները լրացնելիս վրիպումներ էր թույլ տվել: Մասնավորապես՝ սեռը նշելու հատվածում գրել էր արու, իսկ մասնագիտություն բաժինը ջնջումներով էր լրացրել:

Փաստաթղթի վերաբերյալ Դավիթ Սարգսյանը պարզաբանում էր գրել իր ֆեյսբուքյան էջում՝ պնդելով, որ ներկայացված ձևաթուղթը կեղծված է. «Սիրելի՛ դիլիջանցիներ, վերջին ամիսներին հայ հասարակությանը մշտական սթրեսի մեջ պահող, ստերի ու զրպարտությունների անհատակ ջրհոր հիշեցնող տելեգրամյան հայտնի ալիքը հրապարակել է մի խեղված, կեղծված ձևաթուղթ, որում ես իբր սխալ եմ նշել ուսումնառությանս վայրը, ջնջել, ուղղել և մի ուրիշ սխալ էլ իբր արել եմ սեռի համար նախատեսված դաշտում։Ցավով եմ արձանագրում, որ հայրենիքումս գործող լրատվամիջոցները առանց ինձ հետ կապ հաստատելու, սրա իսկությունը ստուգելու փորձերի իրար հերթ չտալով տարածում են այս ցնդաբանությունը»։

Դիլիջանի համայնքապետարանի ինտերնետային կայքը ամիսներ առաջ հայտնում էր, որ քաղաքի Ուսանողական փողոցում կատարվում է վերանորոգում, գրունտային հողի հարթեցում եւ խճապատում։ Զբոսաշրջային Դիլիջանի բնակիչները սակայն դժգոհում են քաղաքի տարբեր փողոցների անբարեկարգ վիճակից, ճանապարհների մեծ փոսերից, քաղաքի կենտրոնում, գերեզմանատներում թափառող կովերից, անտեր, ագրեսիվ շներից, քաղաքի փողոցներում լցված աղբից։ Տուրիստական սեզոնն է, շատ զբոսաշրջիկներ, այդ թվում՝ արտերկրից ժամանածներ, զարմանում են Դիլիջանում տիրող անտերությունից։

Ամիսներ առաջ մամուլում հայտնվել էր մի տեղեկություն, համաձայն որի՝ Դիլիջանի համայքնապետը համայնքի հողերը օտարում է Երևանի բնակիչներին: Նշենք, որ այս տեղեկությունը Դավիթ Սարգսյանը անգամ չի էլ փորձել հերքել, ինչը, մեղմ ասած, զարմանալի է:

Շարունակելի...