Ավելի քան 255 կին զինվորագրվել է Սաուդյան Արաբիայի բանակին

Սաուդյան Արաբիայի Զինված Ուժերի Կանանց Ուսուցման Ինստիտուտը ավարտել է 255 կին զինվորական, ովքեր բարձրագույն կրթություն են ստացել և ծառայելու են դիվանագիտական ​​անվտանգության, ինչպես նաև Հաջի և Ումրայի (մեծ ու փոքր մահմեդական ուխտագնացություններ) ոլորտում: Այս մասին հայտնում է The National-ը։

Ավարտական ​​արարողությունը տեղի է ունեցել ներքին գործերի նախարար արքայազն Աբդուլազիզ բեն Սաուդի և հանրային անվտանգության տնօրեն, գեներալ-լեյտենանտ Մուհամմեդ Ալ Բասամիի ներկայությամբ։

Կանանց թույլատրվել է ծառայել Սաուդյան բանակում 2022 թվականի փետրվարին՝ որպես 2016 թվականին ընդունված Vision 2030 ծրագրի մի մաս՝ նվազեցնելու նավթի արտահանման ազդեցությունը երկրի տնտեսության վրա, ինչպես նաև բարձրացնելու միջազգային առևտուրը և զարգացնելու թագավորության աշխարհիկ իմիջը։

Բանակ ընդունվող կանանց հանդեպ պահանջները տղամարդկանցից տարբերվում են միայն ծառայության անցնելու տարիքով՝ 17 տարեկանի փոխարեն 21 տարեկան։ Մնացած պահանջները նույնական են։