Քննարկվել են հանրակրթության ոլորտում հայ-լիտվական համագործակցության զարգացման հարցերը
Գիտություն և Մշակույթ
ՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանը հունվարի 12-ին ընդունել է աշխատանքային այցով Հայաստանում գտնվող Լիտվայի մասնավոր դպրոցների ցանցի հիմնադիր Աուստեյա Լանդսբերգիենեի գլխավորած պատվիրակությանը: Այս մասին տեղեկանում ենք ՀՀ կրթության, գիտության, մշակույթի և սպորտի նախարարությունից։
Հանդիպման ընթացքում քննարկվել են հանրակրթության ոլորտում հայ-լիտվական համագործակցության զարգացման հարցերը, մասնավորապես, անդրադարձ է եղել Հայաստանում օտար լեզուների ուսուցման արդյունավետության բարձրացման ուղղությամբ տարվող աշխատանքներին:
«Նախարարի տեղակալ Արաքսիա Սվաջյանը ներկայացրել է կրթության բարեփոխումների հիմնական ուղղությունները` շեշտելով, որ ՀՀ-ում ընդունված Հանրակրթության նոր չափորոշչով շեշտադրվում է լեզուների բարելավման կարևորությունը: Այդ նպատակով վերափոխվում է նաև ուսուցիչների ատեստավորման և վերապատրաստման համակարգը, մշակվում են նոր դասագրքեր, ուսումնական նյութեր:
Նա նաև նշել է, որ պետության կողմից առաջնային նշանակություն է տրվում ԲՏՃՄ` բնագիտական, տեխնոլոգիական, ճարտարագիտական առարկաների և մաթեմատիկայի ուսուցման բարելավմանը»,- ասվում է հաղորդագրության մեջ:
ՀՀ ԿԳՄՍ նախարարի տեղակալը նշել է, որ Հայաստանում ընթացող կրթական բարեփոխումներն ընդգրկում են կրթության բոլոր աստիճանները: Նա նաև անդրադարձել է ուսուցչի մասնագիտության գրավչության բարձրացման խնդրին՝ ներկայացնելով պետության կողմից ձեռնարկվող քայլերը:
Հանդիպման ընթացքում կարևորվել է երկկողմ համագործակցությունը կրթության բնագավառում` որպես առաջնահերթություն դիտարկելով շարժունության և համատեղ ծրագրերի իրականացման հնարավորությունը:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
