Ռումինիայում ավիացիոն համակարգեր կտեղակայվեն Ռուսաստանին հետևելու համար. ՆԱՏՕ-ն հայտարարություն է տարածել

Ռումինիայում կտեղակայվեն AWACS ավիացիոն համակարգեր, որոնք կհետևեն Ռուսաստանին։ Այս մասին ասվում է ՆԱՏՕ-ի հայտարարության մեջ։ Ինքնաթիռները Ռումինիա կժամանեն հունվարի 17-ին։

«ՆԱՏՕ-ն Բուխարեստում կտեղակայի AWACS օդային համակարգեր: Ինքնաթիռների ժամանումը նախատեսված է 2023 թվականի հունվարի 17-ին, նրանք կաջակցեն դաշինքի ուժեղացված ներկայությանը տարածաշրջանում և կապահովեն Ռուսաստանի ռազմական ակտիվության մշտադիտարկում»,- ասվում է հաղորդագրության մեջ։ ՆԱՏՕ-ի խոսնակ Օանա Լունգեսկուի խոսքով՝ այս համակարգերը կարող են ինքնաթիռներ հայտնաբերել հարյուրավոր կիլոմետրերի վրա։ Առաքելությունը նախատեսված է մի քանի շաբաթվա համար։

«ՆԱՏՕ-ի AWACS-ը մոտ օրերս կսկսի հետախուզական թռիչքներ բացառապես դաշինքի տարածքով։ Առաքելությունը նախատեսված է մի քանի շաբաթով։ Ինքնաթիռները պատկանում են ՆԱՏՕ-ի 14 դիտորդական ինքնաթիռների նավատորմին, որը տեղակայված է Գերմանիայի Գայլենկիրխեն քաղաքում: Շուրջ 180 զինվորականներ կտեղակայեն Ռումինիայի ռազմաօդային ուժերի բազայում՝ Բուխարեստի մերձակայքում գտնվող Օտոպենիում, ի աջակցություն ինքնաթիռի»,-ասվում է հաղորդագրության մեջ: