ԱՄՆ-ը «կփոխանակի» Թուրքիային F-16 կործանիչների վաճառքը ՆԱՏՕ-ում նոր երկրների ընդգրկման հետ. WSJ

ԱՄՆ նախագահ Ջո Բայդենի վարչակազմը մտադիր է Կոնգրեսից հավանություն ստանալ՝ Թուրքիային F-16 կործանիչներ վաճառելու հարցում, հայտնում է The Wall Street Journal-ը (WSJ)՝ հղում անելով ԱՄՆ վարչակազմի ներկայացուցիչներին։ Կոնգրեսի որոշումը կախված է նրանից, թե արդյոք Անկարան կորոշի հավանություն տալ Շվեդիայի և Ֆինլանդիայի անդամակցությանը ՆԱՏՕ-ին։

Այսպիսով, ամերիկյան իշխանությունները փաստացի ցանկանում են «փոխանակել» 40 նոր կործանիչները, ինչպես նաև Թուրքիայի զինված ուժերում սպասարկող նման տիպի 79 ինքնաթիռների արդիականացման համար կոմպլեկտները՝ համապատասխան լուծման հետ։ Ավելին, Վաշինգտոնը ցանկանում է Թուրքիային վաճառել 900 «օդ-օդ» հրթիռ և 800 ավիառումբ։

Թերեւս նման որոշում կկայացվի Թուրքիայի արտգործնախարար Մեւլութ Չավուշօղլուի ԱՄՆ այցի ժամանակ, որը նախատեսված է հունվարի 17-18-ը։ Բացի այդ, օրենսդիրները կարող են հավանություն տալ Հունաստանին առնվազն 30 հինգերորդ սերնդի F-35 կործանիչներ վաճառելուն։

Առայժմ Անկարան հավանություն չի տվել նոր երկրների՝ ՆԱՏՕ մտնելուն՝ բացատրելով, որ ընդգրկումը կպահանջի փոխել իրենց քաղաքականությունը։ Շվեդիան և Ֆինլանդիան պարտավոր էին երկրներում արգելել քրդական կազմակերպությունները և չեղարկել հակաթուրքական պատժամիջոցները։