Հունաստանի վարչապետ Միցոտակիսը խոսել է Թուրքիայի հետ հակամարտության վտանգի մասին

Հունաստանը և Թուրքիան դժվար թե «թեժ դրվագ» ունենան կողմերի միջև վեճերի ֆոնին, ասել է Հունաստանի վարչապետ Կիրիակոս Միցոտակիսը, գրում է ՌԻԱ Նովոստին։ Սակայն, ըստ նրա, Աթենքը դեռ անհանգստացած է Անկարայի հռետորաբանությամբ։

«Չեմ հավատում, որ մենք կունենանք «թեժ դրվագ» [զենքի կիրառմամբ]։ Ինձ անհանգստացնում է Թուրքիայի հռետորաբանության ուժեղացումը։ Ես կոչ եմ անում Թուրքիային գիտակցել, որ արտաքին քաղաքականությունը ներկուսակցական օգտագործման գործիք դարձնելը ճիշտ ռազմավարություն չէ»,- պարզաբանել է Միցոտակիսը:

Ինչպես նշել է Հունաստանի վարչապետը, Աթենքն իր պատրաստակամությունն է հայտնում Անկարայի հետ երկխոսելու՝ կողմերի վեճերը լուծելու համար, որոնք հիմնականում վերաբերում են Արևելյան Միջերկրական ծովի ծովային գոտիներին։ Նա նաև հավելել է, որ հույս ունի Հունաստանի վերաբերյալ Թուրքիայի հռետորաբանության աստիճանական կրճատման վերաբերյալ։

«Հունաստանը ոչ մի դեպքում չի ընդունի հրահանգներ, թե ինչպես իրականացնել իր ինքնիշխանությունը և ինչպես բանեցնել ինքնիշխան իրավունքները: Հասկանալի է, որ նա պետք է ուժեղացնի զինված ուժերը, ինչպես նաև զսպման նախագծերը», - ընդգծել է Միցոտակիսը: