Մասաչուսեթսի բնակիչը մեղավոր է ճանաչվել «Ալ-Ղաիդայի» հետ կապ ունենալու մեջ

Նախօրեին՝ ԱՄՆ–ի դաշնային դատարանը մեղավոր է ճանաչել 29-ամյա Թերեք Մեհանային «Ալ–Ղաիդայի» ահաբեկչական խմբավորման հետ կապ ունենալու և տեղեկություններ հայտնելու համար։ Այս մասին հաղորդում է FoxNews-ը։ 

Դատարանը մեղավոր է ճանաչել Մեհանայի հանցակից ընկերոջը՝ Աբուսամրու Ահմադին, ով 2006թ–ից զինվորական ծառայությունից խուսափելու համար փախել էր Սիրիա։

Ըստ քննության արդյունքերի՝ դեղագործական քոլեջի նախկին շրջանավարտը հետաքրքրված է եղել արմատական իսլամի գաղափարախոսությամբ և իր ընկերների հետ պատրաստվել է մեկնել Եմեն՝ գրոհայինների ճամբարում վերապատրաստվելու համար։ Այնուհետեւ, ըստ «Boston Globe»–ի, Մեհանան որոշել է իրաքյան ուժերի կողմից կռվել ամերիկացի զինվորների դեմ։ 

Սադբերի բնակավայրում գտնվող գրոհայինների ճամբարը ներթափանցելու անհաջող փորձից հետո Մեհանան որոշել է զբաղվել «Ալ–Ղաիդայի» քարոզչական գործունեությամբ։ Ըստ դատախազության տվյալների՝ Մեհանան թարգմանել եւ ինտերնետում տարածել է ծայրահեղական ջիհադի վերաբերյալ գրականություն։

Մեղադրյալի փաստաբանները որոշել են բողոքարկել դատարանի որոշումը՝ պնդելով, որ իրենց պաշտպանյալն անմեղ է։ Սակայն փաստաբաններից մեկը չի հերքել իր պաշտպանյալի կողմից հետաքրքրվածությունը ծայրահեղական իսլամի գաղափարախոսությամբ և ավելացրել, որ թեև Մեհանան հիացած է Ուսամա Բեն Լադենով, սակայն նշել է, որ Թերեքը խիստ դատապարտել է անմեղ մարդկանց սպանությունները։