Ռուսաստանն ու Իրանը մտադիր են ընդհանուր կրիպտոարժույթ ստեղծել. Ведомости

Ռուսաստանն ու Իրանը սկսել են քննարկել ոսկու հետ կապված միասնական կրիպտոարժույթ  ստեղծելու հարցը: Այս մասին գրում է Ведомости թերթը՝ հղում անելով Կրիպտոինդուստրիայի և բլոկչեյնի ռուսական ասոցիացիայի գործադիր տնօրեն Ալեքսանդր Բրաժնիկովին։

Սակայն դրա օգտագործումը հնարավոր կդառնա միայն կրիպտոարժույթների շրջանառությունը կարգավորելուց հետո։ Ներկայումս բանակցություններ են ընթանում արտաքին առևտրային հաշվարկներում դոլարին և ռուբլուն, ինչպես նաև իրանական ռիալին փոխարինող արժույթ ստեղծելու հնարավորության շուրջ։ Պետդումայի Տեղեկատվական քաղաքականության, տեղեկատվական տեխնոլոգիաների և հաղորդակցության հանձնաժողովի անդամ Անտոն Տկաչևի կարծիքով՝ Իրանի հետ կրիպտոարժույթի ստեղծումը տեղին է, քանի որ երկիրը առաջադեմ է կրիպտոարդյունաբերության զարգացման առումով։