Որ երկրներում են ռուսներն անշարժ գույք գնում

2022 թվականին արտասահմանում տուն գնելու համար ռուսաստանցիների շրջանում ամենահայտնի երկրների ցանկում են Թուրքիան, Արաբական Միացյալ Էմիրությունները (ԱՄԷ) և Կիպրոսը։ Այս մասին Lenta.ru-ին հայտնել են Propriete Generale Group ընկերությունների միջազգային խմբի միգրացիոն բաժնի՝ General Immigration-ի վերլուծաբանները։

Թուրքիան գլխավորել է Ռուսաստանի քաղաքացիների շրջանում անշարժ գույք գնելու և տեղափոխելու համար ամենահայտնի արտասահմանյան երկրների ցանկը. նրան բաժին է ընկել յուրաքանչյուր երրորդ հայտը: Այս պետության մասնաբաժինը պահանջարկի ընդհանուր կառուցվածքում կազմել է 32,78 տոկոս։ Մասնագետները ԱՄԷ-ն անվանել են բնակարանների գնման երկրորդ ամենահայտնի երկիրը՝ պահանջարկի 22,43 տոկոս մասնաբաժնով։ Նրանք հավելել են, որ հաճախորդները հիմնականում հետաքրքրված են Դուբայում և Աբու Դաբիում գույք գնելով։ Առաջատար եռյակը եզրափակած Կիպրոսին բաժին է ընկել հարցումների ընդհանուր թվի 13,41 տոկոսը։ Բացի այդ, առաջին հնգյակում ընդգրկվել են Պորտուգալիան և Հունաստանը՝ համապատասխանաբար 7,33 և 4,84 տոկոսով։

Փորձագետները նշել են, որ օտարերկրյա բնակարանային շուկայում ռուսաստանցիների ամենամեծ ակտիվությունը գրանցվել է մարտ-ապրիլ և սեպտեմբեր-հոկտեմբեր ամիսներին։ «Այս ընթացքում շատերը փորձել են տեղափոխվել հարևան երկրներ, որտեղ ռուսաստանցիներին վիզա պետք չէ։ Արդյունքում, տարվա արդյունքներով, անշարժ գույքի գնման համար ամենապահանջվածներից են եղել Վրաստանը, Հայաստանը, Ադրբեջանը և Ղազախստանը։ Դրանցից յուրաքանչյուրի մասնաբաժինը պահանջարկի ընդհանուր ծավալում եղել է մեկից երեք տոկոս, թեև որոշ ամիսներին, օրինակ, մարտ-ապրիլին Ղազախստանին և Վրաստանին բաժին է ընկել հայտերի ընդհանուր ծավալի մինչև 15 տոկոսը»,- պարզաբանել է Propriete Generale Group-ի ավագ գործընկեր և համասեփականատեր Իվան Յարինկովսկին։

Մասնագետները հավելել են, որ 2022 թվականին ռուսաստանցիների մեծամասնությունը (64,1 տոկոս) բնակարան է գնել արտասահմանում՝ բնակության թույլտվություն կամ երկրի քաղաքացիություն ստանալու նպատակով։