Բազմաբևեռ աշխարհի ձևավորման համար մի ամբողջ դարաշրջան է պետք. Լավրով
Համաշխարհային Մամուլ
Բազմաբևեռ աշխարհի ձևավորումը մի ամբողջ դարաշրջան կպահանջի։ Այս մասին ասել է Ռուսաստանի արտաքին գործերի նախարար Սերգեյ Լավրովը չորեքշաբթի օրը 2022 թվականին ռուսական դիվանագիտության գործունեության արդյունքներին նվիրված մամուլի ասուլիսում։
«Բազմաբևեռ աշխարհակարգի ձևավորման գործընթացը երկար է տևելու, այն կպահանջի որոշակի պատմական դարաշրջան։ Եվ մենք այս գործընթացի մեջ ենք»,- ասել է Լավրովը:
ՌԴ ԱԳՆ ղեկավարն ասել է, որ նոր աշխարհ ձևավորելու համար անհրաժեշտ է պահպանել բոլոր պետությունների ինքնիշխան իրավահավասարությունը հարգելու ՄԱԿ-ի կանոնադրության սկզբունքը։
Ավելի վաղ ամերիկյան Foreign Policy ամսագրի սյունակագիր Սթիվեն Ուոլթը եզրակացրել էր, որ Միացյալ Նահանգները պետք է վարժվի բազմաբևեռ աշխարհի ձևավորմանը, որտեղ Վաշինգտոնը չի ունենա իր նախկին հեգեմոնիան։
Հեղինակը հիշեցրել է, որ երբ Խորհրդային Միությունը փլուզվեց, Միացյալ Նահանգները հայտնվեց աննախադեպ վիճակում՝ որպես համաշխարհային հեգեմոն։ Սակայն այժմ իրավիճակը կտրուկ փոխվել է։
Ամենադիտված 
Մնաս բարյավ. Րաֆֆի Հովհաննիսյան
