2006 թվականից սկսված վերանորոգվել և արդիականացվել են 104 փոստային բաժանմունքներ

Հայաստան 21 Դեկտեմբեր, 2011 18:53

ՀՀ տրանսպորտի եւ կապի նախարար Մանուկ Վարդանյանը դեկտեմբերի 21-ին կայացած տարեկան ամփոփիչ մամուլի ասուլիսում ներկայացրեց նախարարության իրականացրած ծրագրերը եւ հետագա անելիքները:

Փոստային կապի ոլորտի բարեփոխումները հիմնականում պայմանավորված են ՀՀ տրանսպորտի և կապի նախարարությանը վերապահված՝ <<Հայփոստ>> ՓԲԸ-ն հավատարմագրային կառավարման հանձնելու պայմանագրով նախատեսված պարտավորությունների կատարման նկատմամբ հսկողության իրականացման գործառույթների, ինչպես նաև փոստային կապի բնագավառի զարգացման քաղաքականության իրականացման ապահովմամբ:

2006 թվականից սկսված վերանորոգվել և արդիականացվել են 104 փոստային բաժանմունքներ, որից 50 փոստային բաժանմունք՝ 2011 թվականին: <<Հայփոստ Թրասթ Մենեջմենթ>> փակ բաժնետիրական ընկերության հետ կնքված պայմանագրի գործողության ժամկետը երկարաձգվել է 6 ամսով, որի ընթացքում Կողմերը <<Հայփոստ>> փակ բաժնետիրական ընկերության արդիականացման նպատակով կիրականացնեն բոլոր այն գործողությունները, որոնք անհրաժեշտ են <<Հայփոստ>> փակ բաժնետիրական ընկերության բաժնետոմսերի կառավարման ձևի փոփոխման վերաբերյալ նոր պայմանագիր կնքելու և իրագործելու համար:

Միաժամանակ, մշակվել են <<Փոստային կապի մասին>> Հայաստանի Հանրապետության օրենքում փոփոխություններ և լրացումներ կատարելու մասին>> և <Լիցենզավորման մասին> ՀՀ օրենքում փոփոխություններ և լրացումներ կատարելու մասին> ՀՀ օրենքում կատարված փոփոխությունների արդյունքում սուրհանդակային կապի ծառայությունը նույնպես հանդիսանում է լիցենզավորման ենթակա գործունեության տեսակ: Նշված օրենքների ընդունման անհրաժեշտությունը պայմանավորված է փոստային և փոստային կապի բնագավառում հակամենաշնորհային քաղաքականության և հավասար մրցակցության ապահովմամբ, մատուցվող փոստային կապի և սուրհանդակային ծառայությունների որակի բարձրացմամբ, ծառայություններից օգտվողների լայն զանգվածների համար հասանելիության ապահովմամբ:

2011թ. ընթացքում գործողության մեջ են դրվել թվով 34 նամականիշ, 5 գեղաթերթիկ և 1 նամականիշով միակողմանի բացիկ: