Սանկտ Պետերբուրգում ջերմաստիճանի ռեկորդ է սահմանվել

Սանկտ Պետերբուրգում, որտեղ հինգշաբթի օրը՝ հունվարի 19-ին, օդը տաքացել է մինչև + 5°C, գերազանցվել է 2020 թվականին սահմանված ջերմաստիճանի ռեկորդը, գրում է Gazeta-ն։

«Սանկտ Պետերբուրգում ժամը 10:30-ին օդի ջերմաստիճանը հասել է +5 աստիճանի, այժմ արդեն այն իջել է։ Այսպիսով, Սանկտ Պետերբուրգում հունվարի 19-ի նոր ռեկորդ է գրանցվել (2020-ին +4,7 աստիճան էր)»,- իր Telegram ալիքում գրել է Սանկտ Պետերբուրգի եղանակի գլխավոր տեսաբան Ալեքսանդր Կոլեսովը։

Նրա խոսքով՝ գիշերը քաղաքի կենտրոնում 9,2 մմ անձրև է տեղացել։ Նա նշել է, որ տեղումների շարունակականության պատճառով՝ մեծ է տեղումների ռեկորդային մակարդակի հասնելու հավանականությունը։