Հունգարիան արգելափակել է Ուկրաինայի համար ԵՄ-ի օգնության փաթեթը․ RMF 24

Հունգարիան արգելափակել է Ուկրաինային սպառազինության համար ԵՄ օգնության յոթերորդ տրանշը։ Այս մասին հայտնում է RMF 24-ը՝ հղում անելով ԵՄ բարձրաստիճան դիվանագետին։

Ըստ ռադիոկայանի՝ խոսքը Եվրոպական Խաղաղության հիմնադրամից հատկացված 500 մլն եվրո գումարի մասին է։ Նշվում է, որ այդ կապակցությամբ ԵՄ երկրները մտադիր են ճնշում գործադրել Բուդապեշտի վրա հունվարի 22-ին ԵՄ ԱԳ նախարարների հանդիպման ժամանակ։

Ինչպես նշում է ռադիոկայանը, հունգարական վետոն էլ ավելի մեծ վրդովմունք է առաջացրել ԵՄ դիվանագետների շրջանում։

Նյութում նաև ընդգծվում է, որ Եվրամիությունն ունի պահեստային ծրագիր, ինչպես այն դեպքում, երբ Հունգարիան դեկտեմբերի սկզբին արգելափակեց 18 միլիարդ եվրոյի մակրոֆինանսական օգնությունը Ուկրաինային։ Այնուհետև ԵՄ-ն ընդունեց իրավական ակտ, որը հնարավորություն տվեց այդ օգնությունը հասցնել՝ Հունգարիային շրջանցելով։