Ձմեռային փառատոն Հայաստան 2011–ի միջոցառումները

Ստորև ներկայացնում ենք Ձմեռային փառատոն Հայաստան 2011–ի միջոցառումների ցանկը:

Շքերթը կսկսվի դեկտեմբերի 24–ին` ժամը 14։00–ին` Հանրապետության հրապարակից։ Մասնակիցները Ամիրյան փողոցով, Մաշտոցի պողոտայով, ապա Բաղրամյան պողոտայով կբարձրանան Սիրահարների այգի, որտեղ կանցկացվեն համերգներ, խաղեր, ցուցահադեսներ և այլ հետաքրքիր միջոցառումներ։ Շքերթին մասնակցելու է Կաղանդ պապը, տոնական պարախմբեր, զվարճալի կերպարներ և այլք։

Փառատոնի շրջանակներում ամեն տարի անցկացվում է բնապահպանական տոնածառերի մրցույթ՝ վերամշակելի նյութերի կիրառմամբ։ Այդ աշխատանքները կցուցադրվեն ամեն օր, իսկ հաղթողին ընտրելու է ժյուրին։

Անցկացվելու են նաև ձմեռային խաղեր, կանցկացվեն նաև մի շարք տոնական բացօդյա համերգներ։

Երեխաները կսովորեն վերամշակվող նյութերից ամանորյա խաղալիքներ, զարդարանքներ պատրաստել։ Նրանց կխրախուսի և խորհուրդներ կտա Կաղանդ պապը։ Զվարճալի միջոցառումների ցանկը կհամալրի Ձմեռ պապերի մրցավազքը։

Կլինեն նաև «Գտի'ր Կաղանդ պապին», «Ձմեռային փառատոնն իմ տանը» և «DJ խնջույք սոցիալական ցանցերում» առցանց մրցույթները։