Միայն Հռոմի պապը գիտի՝ ինչպես վերջ դնել Ուկրաինայում հակամարտությունը. Բեռլուսկոնի
Համաշխարհային Մամուլ
Իտալիայի նախկին վարչապետ Սիլվիո Բեռլուսկոնին հայտարարել է, որ Ուկրաինայում հակամարտությունը «ոչ ոք չի կարող լուծել»՝ բացի Հռոմի պապից։ Այս մասին քաղաքական գործիչն ասել է Corriere della Sera-ին տված հարցազրույցում։
«Ինձ ցավ է պատճառում այն փաստը, որ ոչ ոք, բացի Հռոմի պապից և Սուրբ Աթոռից, կարծես թե չունի լուծումներ, որոնք կհանգեցնեն հակամարտության խաղաղ կարգավորմանը», - ասել է նա:
Բեռլուսկոնիի խոսքով՝ քանի դեռ Ուկրաինայում հակամարտությունը շարունակվում է, աշխարհը «անտանելի գին է վճարում» և կրում է հսկայական տնտեսական վնաս։
Քաղաքական գործիչն ընդգծել է, որ իր կուսակցությունը մնում է «Արևմուտքի, Եվրոպայի, Ատլանտյան դաշինքի կողքին»։
Ավելի վաղ Հռոմի պապ Ֆրանցիսկոսը Ուկրաինայի նախագահ Վոլոդիմիր Զելենսկիին կոչ էր արել նստել բանակցությունների սեղանի շուրջ։
Հռոմի Ֆրանցիսկոս պապը 2022 թվականի դեկտեմբերի վերջին Ուկրաինայի հակամարտությունն անվանել է համաշխարհային պատերազմ, որի ավարտը մոտ ապագայում չի սպասվում։ Պոնտիֆիկոսն ասել է, որ Ուկրաինայում խաղաղություն հաստատելու իր կոչերը «անտեսվել են», բայց նա չի դադարի դատապարտել մարտերը:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
