ԱՄՆ-ում խոսել են Հնդկաստանի և Պակիստանի միջև հնարավոր միջուկային պատերազմի մասին
Համաշխարհային Մամուլ
Հնդկաստանն ու Պակիստանը միջուկային պատերազմի շեմին հայտնվեցին 2019 թվականին, իր հուշերում գրել է ԱՄՆ նախկին պետքարտուղար Մայք Պոմպեոն։ Նրան մեջբերում է BBC-ն։
Ինչպես քաղաքական գործիչը նկարագրում է իրադարձությունները, հակամարտությունը մեծ հավանականությամբ կարող էր վերածվել միջուկային առճակատման Դելիի օդային հարվածից հետո Պակիստանում գտնվող զինյալների դիրքերին՝ ի պատասխան հնդկական բանակի 40 զինվորների սպանության։ Այն ժամանակ Իսլամաբադը պնդում էր, որ խոցել է հնդկական ռազմաօդային ուժերի երկու ինքնաթիռ և գերի է վերցրել մեկ օդաչուի:
«Ես չեմ կարծում, որ աշխարհը պատշաճ կերպով գիտի, թե 2019 թվականի փետրվարին որքան մոտ էր Հնդկաստանի և Պակիստանի միջև առճակատումը միջուկային հրդեհին», - նշել է նախկին պետքարտուղարը:
Նա հիշել է, որ այն ժամանակ ներկա է եղել Հանոյում՝ ԱՄՆ նախկին նախագահ Դոնալդ Թրամփի և Հյուսիսային Կորեայի առաջնորդ Կիմ Չեն Ընի հանդիպմանը։ Պոմպեոյին մի գիշեր արթնացրել է իր հնդիկ գործընկերոջ զանգը, ով հայտարարել էր, որ Պակիստանը պատրաստ է միջուկային հարված հասցնել Հնդկաստանին:
Ամենադիտված 
Մնաս բարյավ. Րաֆֆի Հովհաննիսյան
