ԱՄՆ-ը ցանկանում է, որ Կիևը վերականգնի վերահսկողությունը ՌԴ-ի կազմի մեջ մտած տարածքների նկատմամբ․ Նուլանդ
Ռուսաստան
ԱՄՆ պետքարտուղարի քաղաքական հարցերով տեղակալ Վիկտորյա Նուլանդը հայտարարել է, որ Վաշինգտոնը ցանկանում է, որ Կիևը վերադարձնի վերահսկողությունը Ռուսաստանի Դաշնության կազմում կամ ռուսական զորքերի վերահսկողության տակ գտնվող տարածքների նկատմամբ։ Այս մասին նա հայտարարել է ԱՄՆ Կոնգրեսի Սենատի արտաքին հարաբերությունների հանձնաժողովում լսումների ժամանակ, փոխանցում է ՏԱՍՍ-ը։
«Սա ճիշտ ձևակերպում է»,- ասել է Նուլանդը՝ պատասխանելով այն հարցին, թե արդյոք ԱՄՆ-ի նպատակներից մեկն է նախկինում կորցրած տարածքների վերադարձը Կիևի վերահսկողության տակ։
ԱՄՆ-ը պետք է համոզվի, որ Ուկրաինան բավականաչափ միջոցներ ունի, որպեսզի «փորձի դուրս մղել» ռուս զինվորականներին այս տարածքներից, ինչպես նաև թույլ չտալ նրանց վերախմբավորվել նոր հարձակման համար, եթե հաջողվի, ասել է նա:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
