Պուտինը նոր հարձակում է նախապատրաստում Ուկրաինայում․ Bloomberg
Համաշխարհային Մամուլ
Ռուսաստանի նախագահ Վլադիմիր Պուտինը նոր լայնածավալ հարձակում է նախապատրաստում Ուկրաինայում, որը կարող է սկսվել արդեն փետրվար-մարտ ամիսներին, ուրբաթ՝ հունվարի 27-ին, գրում է Bloomberg-ը՝ հղում անելով Կրեմլի աղբյուրներին։
Պուտինը ցանկանում է ցույց տալ, որ ռուսական բանակը կարող է վերականգնել նախաձեռնությունը ամիսներ շարունակ անհաջողություններից հետո և ճնշում գործադրել Կիևի ու նրա դաշնակիցների վրա՝ համաձայնելու ինչ-որ զինադադարի, որը թույլ կտա Ռուսաստանին պահպանել վերահսկողությունն օկուպացված տարածքի վրա, ասել են աղբյուրները:
Նույնիսկ Պուտինը չի կարող ժխտել բանակի թուլությունը, որը նա կառուցել է տասնամյակներ, ասել են գործակալության աղբյուրները։
Պուտինը վստահ է, որ ավելի մեծ ուժը և զգալի զոհեր տալու պատրաստակամությունն իրեն թույլ կտան հաղթել, ասել են աղբյուրները՝ հավելելով, որ գարնանը Ռուսաստանում մոբիլիզացիայի նոր ալիք կարող է սկսվել։
Bloomberg-ի աղբյուրների խոսքերը հաստատում են Ուկրաինայի և նրա դաշնակիցների նախազգուշացումները մոտալուտ ռուսական հարձակման մասին, որը կարող է սկսվել մինչև Կիևը ԱՄՆ-ից և Եվրոպայից խոստացված մարտական տանկերը ստանալը։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
