Ինչ ունեցվածք և եկամուտներ են հայտարարագրել առողջապահության նախարարն ու փոխնախարարները

ՀՀ բարձրաստիճան պաշտոնյաների ներկայացրած հայտարարագրերը շարունակում են մնալ մեր ուշադրության կենտրոնում: Այսօր կներկայացնենք, թե ինչ ունեցվածք են հայտարարագրել առողջապահության նախարարն ու նրա տեղակալները:

Եվ այսպես, առողջապահության նախարար Անահիտ Ավանեսյանը հայտարարագրել է բնակարան, այգետնակ, բազմաբնակարան շենքի ոչ բնակելի տարածք, 2015-ին ձեռք բերված FORD մակնիշի ավտոմեքենա, 1,000,000.00 դրամի բաժնային արժեթուղթ: Բանկային հաշվի մնացորդները կազմել են 2,100,000.00 ՀՀ դրամ և 578.00 եվրո: Ավանեսյանը հայտարարգրել է կանխիկ 1,800,000.00 ՀՀ դրամ: Աշխատավարձի դիմաց ստացված եկամուտները կազմել են 29,531,683.00 ՀՀ դրամ:

Անահիտ Ավանեսյանի տեղակալ Արտակ Ջումայանը հայտարարագրել է երկու բնակարան՝ ձեռք բերված 1994 և 2019 թվականներին:  Եվս մեկ բնակարան ձեռք է բերվել  2021 թվականին: Նույն 2021-ին պաշտոնյան ձեռք է բերել TOYOTA մակնիշի ավտոմեքենա: Բանկային հաշվի մնացորդը կազմել է 2,000,000.00 դրամ և 2,000.00 ԱՄՆ դոլար: Աշխատավարձի դիմաց ստացված վարձատրությունը կազմել է 16,215,101.00 ՀՀ դրամ:

Առողջապահության փոխնախարար Արմեն Նազարյանը հայտարարագրել է 1986 թվականին ժառանգություն ստացած գույքը, 2,500,000.00 կանխիկ դրամ, աշխատավարձից ստացված եկամուտները հաշվետու տարում կազմել են  8,632,500.00 ՀՀ դրամ:

Անահիտ Ավանեսյանի տեղակալներից Լենա Նանուշյանը հայտարարագրել է ժառանգություն ստացած բնակարան, ընդ որում, ըստ պաշտոնական տվյալների՝ այն ստացվել է 1915 թվականին, ինչը թերևս վրիպում է, որը պատկան մարմինները դեռևս նույնիսկ չեն էլ նկատել և չեն շտկել: Բանկային հաշվի մնացորդները կազմել են 15,111,731.50 ՀՀ դրամ և 23,984.00 ԱՄՆ դոլար:  Աշխատանքի դիմաց ստացած վարձատրությունը կազմել է 16,759,827.00 ՀՀ դրամ: Պաշտոնյայի ծախսերը հաշվետու տարում կազմել են 2,250,000.00 ՀՀ դրամ: