Երուսաղեմում հրաձգություն սկսած անձը վնասազերծվել է. Jerusalem Post

Երուսաղեմում Դավթի քաղաքում հրաձգություն սկսած տղամարդը վնասազերծվել է։ Այս մասին հայտնում է Jerusalem Post-ը։ Նախնական տվյալներով՝ տուժել է երկու մարդ։

Անհայտ անձը կրակ է բացել Մաալոտ փողոցում՝ տեղանքի մուտքից ոչ հեռու։ Դրանից հետո նա վնասազերծվել է։

Հունվարի 27-ին Արևելյան Երուսաղեմում սինագոգի վրա հարձակման ժամանակ յոթ մարդ է զոհվել, երեքը՝ վիրավորվել։ Տեղի իրավապահները հարձակումը որակել են՝ որպես ահաբեկչական գործողություն։ Նախկինում հարձակվողը ժամանել էր մեքենայով և կանգնել սինագոգի մոտ։ Շուտով տղամարդը կրակ է բացել ծխականների վրա, կրակոցները տևել են մի քանի րոպե։ Այնուհետ հարձակվողը հեռացել է դեպքի վայրից։