ԱՄՆ-ն մինչև տարեվերջ Abrams տանկեր չի ուղարկի Ուկրաինա. Washington Post

ԱՄՆ-ն խոստացված 31 Abrams տանկերը Ուկրաինային կմատակարարի միայն այս տարվա վերջին կամ նույնիսկ հաջորդ տարվա սկզբին, գրում է Washington Post-ը։

«Դրանք կկառուցվեն հատուկ Ուկրաինայի համար՝ առանց զրահի, և կառաքվի այս կամ հաջորդ տարվա վերջին»,- ասվում է հոդվածում։
Հրատարակությունը պարզաբանում է, որ ռազմական տեխնիկան դուրս չի բերվի Պենտագոնի պաշարներից, այլ գնվելու է Ուկրաինայի անվտանգությանը նպաստելու նախաձեռնության շրջանակներում։

Հիշեցնենք, որ հունվարի 25-ին ԱՄՆ նախագահ Ջո Բայդենը հայտարարեց Կիևին 31 Abrams տանկ տեղափոխելու իր մտադրության մասին, որը համարժեք է մեկ ուկրաինական տանկային գումարտակի։ Պենտագոնը խոստովանել է, որ իրենք իրենց զինանոցում չունեն լրացուցիչ Abrams տանկեր, դրանք պետք է գնել արտադրողներից, և կարող է մի քանի ամիս անցնել մինչև Ուկրաինա ուղարկելը։

Ուկրաինայի նախագահ Վոլոդիմիր Զելենսկին հայտարարել է, որ եթե ամերիկյան տանկերը երկիր հասնեն անգամ մինչև օգոստոս, «շատ ուշ կլինի»։