Պենտագոնը հայտնել է, որ ԱՄՆ-ն առնչություն չունի Իրանին հարվածներին. Reuters

ԱՄՆ զինուժը ներգրավված չի եղել Իրանին հարվածներին։ Ինչպես հաղորդում է Reuters-ը կիրակի օրը, Պենտագոնի խոսնակ Պատրիկ Ռայդերը նման հայտարարություն է արել իրանական Սպահանում ռազմական գործարանի վրա անօդաչու թռչող սարքի հարձակման մասին։

Reuters-ի փոխանցմամբ՝ Ռայդերը հրաժարվել է այլ մեկնաբանություններից։ Եվս մի քանի ամերիկացի պաշտոնյաներ, որոնց անունները չեն նշվում, գործակալությանը հայտնել են, որ Վաշինգտոնը առնչություն չունի Սպահանում տեղի ունեցածին։

Կիրակի գիշերը IRNA գործակալությունը հաղորդել է, որ ուժեղ պայթյուն է որոտացել Իրանի կենտրոնական մասում գտնվող Սպահան քաղաքում։ Ավելի ուշ Հանրապետության պաշտպանության նախարարությունը հայտարարեց, որ շաբաթ օրը անօդաչու սարքերի միջոցով անհաջող հարձակում է իրականացվել գերատեսչության կենտրոններից մեկի վրա։ Ոչ ոք չի տուժել, պատճառվել է նյութական վնաս։ Հայտարարության մեջ չի նշվում, թե, ըստ Թեհրանի, ով է ներգրավված եղել հարձակման մեջ:

The Wall Street Journal-ը, վկայակոչելով ԱՄՆ պաշտոնյաներին և այլ ինսայդերների, պնդում է, որ Սպահանում հարձակման հետևում կանգնած է Իսրայելը: