Մեծ Բրիտանիան կոչ է արել ստեղծել ՆԱՏՕ-ի երկրների կոալիցիա, որոնք պատրաստ են զորքեր ուղարկել Ուկրաինա

Մեծ Բրիտանիայի պաշտպանության նախարարի նախկին տեղակալ Ջերալդ Հովարտը կոչ է արել ՆԱՏՕ-ի անդամ երկրների կոալիցիա ստեղծել, որոնք պատրաստ են իրենց զորքերը ուղարկել Ուկրաինա: Այս մասին նա ասել է Sky News հեռուստաալիքի եթերում։

Հովարտը կարծիք է հայտնել, որ եկել է ժամանակը, երբ արևմտյան երկրները պետք է որոշեն, թե ինչպես են մտադիր «իրենց գործն» անել, և ինչպես պետք է Ուկրաինան հաղթի ներկայիս հակամարտությունում։ Նրա խոսքով, թեև արևմտյան երկրները ներգրավված չեն կատարվածում, նրանց գործողություններն անարդյունավետ են։

«Այժմ մեզ անհրաժեշտ է ռազմավարական որոշում, և ես կարծում եմ, որ մենք պետք է պարտավորվենք ստեղծել մարդկանց կոալիցիա, որոնք պատրաստ են մտնել հակամարտության մեջ, աջակցել Ուկրաինային և հեռացնել Ռուսաստանին այս ինքնիշխան երկրից», - ասել է Մեծ Բրիտանիայի պաշտպանության նախկին փոխնախարարը։ 

Հովարտն առաջարկել է զորքեր ուղարկել Ուկրաինա։ Միաժամանակ, նա նշել է, որ պետք չէ շտապել Կիևին չորրորդ սերնդի ամերիկյան F-16 կործանիչներ տրամադրելու հարցում, քանի որ եթե դրանք ընկնեն ՌԴ ԶՈւ ձեռքը, Արևմուտքը կկանգնի նոր վտանգի առաջ։