Ինչ ունեցվածք են հայտարարագրել ԿԳՄՍ նախարարն ու փոխնախարարները

Ընթերցողների ուշադրության ենք ներկայացնում բարձրաստիճան պաշտոնյաների ներկայացրած հայտարարագրերը: Այսօր կանդրադառնանք ԿԳՄՍՆ ղեկավար կազմին:

Եվ, այսպես, նախարար Ժաննա Անդրեասյանը հայտարարագրել է 2011-ին ձեռք բերված բնակարան, վերջինիս բանկային հաշվի մնացորդը կազմել է 1,521,878.00 դրամ, հաշվետու տարում եկամուտները՝ 14,192,199.00 դրամ:

Փոխնախարար Արայիկ Խզմալյանը հայտարարագրել է բնակարան, KIA և NISSAN մակնիշի ավտոմեքենաներ, բանկային հաշվի մնացորդը կազմել է 1,079,386.00 դրամ, կանխիկ դրամը՝ 11,000,000.00 ՀՀ դրամ, հաշվետու տարվա եկամուտները կազմել են 14,829,959.00 ՀՀ դրամ:

Փոխնախարար Արթուր Մարտիրոսյանը հայտարարագրել է 2010-ին ձեռք բերված բնակարան, 2018-ին գնված TOYOTA մակնիշի ավտոմեքենա, պաշտոնյայի հանձնված և վերադարձրած փոխառությունները տարվա վերջում կազմել են 21,404,440.00 դրամ,  բանկային ավանդները կազմել են 4,400.00 ԱՄՆ դոլար և 1,240,000.00 ՀՀ դրամ, բանկային հաշվի մնացորդը կազմել է 1,577,000.00 դրամ, կանխիկ դրամը՝ 3,000,000.00 ՀՀ դրամ, հաշվետու տարվա եկամուտները կազմել են 37,272,611.00 ՀՀ դրամ: Իր հերթին պաշտոնյայի հայտարարագրված ծախսերը կազմել են 10,347,000.00 ՀՀ դրամ:

ԿԳՄՍ փոխնախարար Կարեն Գիլոյանի կինը հայտարարագրել է 10 մլն դրամ կանխիկ գումար և մեկ բնակարան Երևանի կենտրոն վարչական շրջանում, բանկային հաշվի մնացորդը կազմել է 23 միլիոն դրամ:

Փոխնախարար Ալֆրեդ Քոչարյանը 2014 թվականին Իսպանիայի Ալիկանտե քաղաքում բնակարան է գնել։ Ալիկանտեն, նշենք, քաղաք  է Իսպանիայի Վալենսիա ինքնավար համայնքում։ Նույնանուն մարզի վարչական կենտրոնն է, որը գտնվում է Միջերկրական ծովի ափին։ Քոչարյանը Իսպանիայում գտնվող բնակարանը հայտարարագրել է թե՛ 2019-ին, թե՛ 2020-ին։ Նշենք, որ մեկ բնակարան էլ Երևանում է Քոչարյանը հայտարարագրել, նորից թե՛ 2019-ին, թե՛  2020-ին։ 2020-ին Քոչարյանը նաև 2,039,916.50 ՀՀ դրամ դրամական միջոց է հայտարարագրել։ 2021 թվականի պաշտոնեական պարտականությունները դադարեցնելու օրվա դրությամբ առկա գույքի, եկամուտների, ծախսերում Քոչարյանը նաև հայտարարագրել է 2009 թվականի արտադրության BMW մակնիշի ավտոմեքենա, մոդելը՝ պաշտպանված։