Պենտագոնը չի հավատում, որ Ուկրաինան կարող է վերադարձնել Ղրիմը. Polotico

Պենտագոնը կարծում է, որ Կիևը չունի և մոտ ապագայում չի ունենա Ղրիմի նկատմամբ վերահսկողությունը վերականգնելու հնարավորություն, գրում է Politico թերթը՝ հղում անելով գաղտնի ճեպազրույցի բովանդակությանը ծանոթ աղբյուրներին։

«Ուկրաինական ուժերը դժվար թե կարողանան մոտ ապագայում hետ գրավել Ղրիմը»,– գրում է թերթը՝ վկայակոչելով Պենտագոնի չորս անանուն բարձրաստիճան պաշտոնյաների գնահատականը, որը նրանք հայտնել են Կոնգրեսի Ներկայացուցիչների պալատի Զինված ծառայությունների հանձնաժողովի գաղտնի ճեպազրույցում։

Անհասկանալի է, թե ինչն է բանախոսներին հանգեցրել իրավիճակի այս գնահատմանը, սակայն հստակ ցուցում, ըստ ճեպազրույցի բովանդակությանը ծանոթ երեք անձանց, այն էր, որ «Պենտագոնը չի հավատում, որ Ուկրաինան կարող է կամ շուտով կկարողանա հեռացնել ռուսական զորքերին»,- նշում է թերթը։

Միևնույն ժամանակ, հրապարակման մեկ այլ աղբյուր հայտնել է, որ ճեպազրույցն ավելի երկիմաստ է եղել, սակայն հիմնական միտքն այն է, որ «Ուկրաինայի հաղթանակը տարածքը վերադարձնելու մեջ «երաշխավորված չէ»։ Այս գնահատականը, անշուշտ, կհիասթափեցնի Կիևին, որը գլխավոր նպատակներից է համարում թերակղզու՝ իր վերահսկողության տակ վերադարձը, գրում է Politico-ն։