Թուրքիայի ԱԳՆ են կանչվել 9 երկրների դեսպաններ

Ինը երկրների, այդ թվում՝ Ստամբուլում իրենց հյուպատոսությունները փակած դեսպանները կանչվել են Թուրքիայի ԱԳՆ, հաղորդում է TRT Haber պետական ​​հեռուստաալիքը։

Ավելի վաղ Ստամբուլում Շվեդիայի, Նիդեռլանդների, Մեծ Բրիտանիայի, Ֆրանսիայի, Շվեյցարիայի և Գերմանիայի գլխավոր հյուպատոսությունները հայտնել էին, որ դադարեցրել են այցելուներ ընդունել քաղաքի կենտրոնում ահաբեկչական հարձակումների սպառնալիքի պատճառով։ Ռուսաստանի Դաշնության հյուպատոսությունը հայտնել է, որ այն շարունակում է աշխատել սովորական ռեժիմով։ Թուրքիայի ներքին գործերի նախարար Սուլեյման Սոյլուն հինգշաբթի օրը մի շարք եվրոպական երկրների կողմից Ստամբուլում իրենց հյուպատոսությունների փակումն՝ ահաբեկչական հարձակումների սպառնալիքի մասին ԱՄՆ-ի հայտարարությունների ֆոնին, անվանել է «հոգեբանական պատերազմ» երկրի դեմ։

«Ինը երկրների դեսպաններ, այդ թվում՝ այն երկրների, որոնք փակել են իրենց հյուպատոսությունները, կանչվել են Թուրքիայի արտաքին գործերի նախարարություն»,- ՌԻԱ Նովոստիի փոխանցմամբ՝ հաղորդում է հեռուստաալիքը։

Մինչ այժմ վեց եվրոպական երկրներ փակել են իրենց հյուպատոսությունները Ստամբուլում։ Հեռուստաալիքը չի հստակեցրել մյուս երեք պետությունների դեսպանների տվյալները։