Բլինքենը հետաձգել է Չինաստան այցը «լրտեսական օդապարիկի» պատճառով․ ABC

ԱՄՆ պետքարտուղար Էնթոնի Բլինքենի այցը Չինաստան, որը նախատեսված էր հաջորդ շաբաթ, կհետաձգվի ԱՄՆ օդային տարածքում չինական «լրտեսական օդապարիկի» պատճառով։ Այս մասին հայտնում է ABC հեռուստաալիքը՝ հղում անելով աղբյուրներին։

Այցի ստույգ ժամկետները չեն հայտարարվել, սակայն, ըստ լրատվամիջոցների աղբյուրների, այցը պետք է տեղի ունենար փետրվարի 5-6-ը։

Փետրվարի 3-ին Պենտագոնի խոսնակ Պատրիկ Ռայդերը հայտարարել է, որ վերջին մի քանի օրերի ընթացքում ԱՄՆ զինվորականները հետևել են ենթադրյալ չինական հետախուզական օդապարիկին երկրի հյուսիսային մասում։