ԱՄՆ-ն պետք է գիտակցի, որ Ռուսաստանի հետ կատակները կարող են մահացու լինել. ռուս պատգամավոր

Ամերիկացի քաղաքական գործիչները պետք է գիտակցեն, որ Ռուսաստանի հետ կատակները կարող են վատ ավարտ ունենալ ԱՄՆ-ի համար, կարծում է Պետդումայի պատգամավոր Միխայիլ Շերեմետը, փոխանցում է РИА Новости-ն։ Նրա խոսքով՝ եթե Ղրիմի վրա հարձակվելու համար օգտագործվի ամերիկյան զենք, ապա պատասխանատվություն կկրի նաև Վաշինգտոնը։

«Ղրիմի վրա հրթիռային հարձակում իրականացնելու ուկրաինական զորքերի փորձը կդիտվի որպես ԱՄՆ-ի կողմից պատերազմի հայտարարություն։ Ժամանակն է, որ ամերիկացի ապագա քաղաքական գործիչները հասկանան, քանի դեռ ուշ չէ, որ Ռուսաստանի հետ կատակները վատ կլինեն իրենց պետության համար։ Հետևաբար, թող ամերիկացիները իրենց մեջ պահեն  հեքիաթները Կիևի հայեցողությամբ հրթիռների ենթադրյալ օգտագործման մասին: Սադրանքի դեպքում և՛ Կիևի իշխանությունները, և՛ նրանց արտասահմանյան համակարգողները լիովին պատասխանատվություն կկրեն»,- ասել է Շերեմեթը:

Պատգամավորը հայտարարել է, որ այժմ անհրաժեշտ է Ուկրաինայի իշխանություններին զրկել արևմտյան զենքից՝ վերացնելով մատակարարման շղթայի առանցքային կետերը։ Նա նաև հավելել է, որ անհրաժեշտ է համոզել ԱՄՆ-ին և Լեհաստանին Ռուսաստանի դեմ ագրեսիայի անիմաստության մեջ։

«Նրանք պետք է գիտակցեն, որ հրթիռով երկրի վրա հարձակվելը ոչ միայն հիմարություն է, այլև մահացու»,- ընդգծել է Շերեմեթը։