Թուրքիայում երկրաշարժի զոհերի թիվը հասել է 284-ի

Թուրքիայի հարավ-արևելքում տեղի ունեցած երկրաշարժի հետևանքով զոհվել է 284 մարդ, վիրավորվել՝ առնվազն 2323-ը։ Այս մասին հայտնում է Anadolu գործակալությունը։
Նշվում է, որ 7,4 մագնիտուդով ստորգետնյա ցնցումները զգացվել են հիմնականում Հաթայում, Օսմանիայում, Ադիյամանում, Գազիանթեփում, Շանլըուրֆայում, Դիարբեքիրում, Մալաթիայում և Ադանայում։

Երկրաշարժից հետո գրանցվել է 42 հետցնցում, ամենաուժեղի ուժգնությունը կազմել է 6,6 մագնիտուդ։

Թուրքիան հայտարարել է սպառնալիքի ամենաբարձր մակարդակը։ Իշխանությունները դիմել են միջազգային օգնության։