Թուրքիայում երկրաշարժի զոհերի թիվը հասել է 912-ի

Թուրքիայում հզոր երկրաշարժի զոհերի թիվը գերազանցել է 900-ը, ավելի քան հինգ հազարը վիրավորվել է, հայտարարել է նախագահ Ռեջեփ Թայիփ Էրդողանը Փրկարարների համակարգման կենտրոնում։
«Այս պահի դրությամբ հայտնի է 912 զոհի մասին, տուժել է 5385 մարդ, տարհանվել է 2470 մարդ»,- ասել է Էրդողանը։ Նրա խոսքով, դժվար է կանխատեսել զոհերի վերջնական թիվը։

«Մենք հույս ունենք այս աղետը հաղթահարել նվազագույն մարդկային կորուստներով»,- հավելել է Էրդողանը։

Նա նաև հայտնել է, որ տարբեր քաղաքներում փլուզվել է 2818 շենք։