Հունաստանում փակվել են դպրոցներն ու խանութները

Աթենքում և Հունաստանի շրջանների մեծ մասում առատ ձյուն է տեղացել, ինչի կապակցությամբ երկուշաբթի օրը փակ են դպրոցները, ձեռնարկությունների և հիմնարկների աշխատակիցները տեղափոխվել են հեռավար աշխատանքի, արգելվել են առաքումները, ոստիկանները տուգանում են առանց շղթաների երթևեկող ավտոմեքենաների վարորդներին, և տարբեր միջոցառումներ չեղյալ են հայտարարվում, գրում են միջազգային ԶԼՄ-ները։

Իշխանությունները հայտարարել են ձյան տեղումների հետևանքների դեմ պայքարի միջոցների ներդրման մասին։ Ամբողջ Հյուսիսային և Հյուսիս-Արևելյան Ատտիկան, ներառյալ Աթենքի հյուսիսային արվարձաններում փակ են խանութները՝ «բացառությամբ բնակչության հրատապ կարիքները սպասարկելու համար» գործող դեղատները, մթերային խանութները և սուպերմարկետները, բենզալցակայանները և գործիքներ ու շղթաներ վաճառող խանութները։ Ժամը 18։00-ից այս տարածքներում արգելվում է ապրանքների վաճառքը առաքմամբ և առաքիչ ծառայությունների աշխատանքը։