Թուրքիան մերժել է Իլոն Մասկի առաջարկը․ Bloomberg

Անկարան մերժել է ամերիկացի միլիարդատեր Իլոն Մասկի առաջարկը, ով իր մտադրությունն էր հայտնել օգնել Թուրքիային և նրան արբանյակային լայնաշերտ ծառայություններ տրամադրել վերջին տասնամյակների ամենաուժեղ երկրաշարժից հետո, գրում է Bloomberg-ը։

Մասկը սոցիալական ցանցերում հայտնել է, որ իր ընկերություններից մեկը՝ Space Exploration Technologies Corp.-ը, կարող է տրամադրել Starlink ցանցը, հենց որ այդ քայլը հաստատվի Թուրքիայի կառավարության կողմից:

Այնուամենայնիվ, անանուն թուրք բարձրաստիճան պաշտոնյան շնորհակալություն է հայտնել նրան առաջարկի համար և ասել, որ Անկարան բավականաչափ արբանյակային հզորություն ունի: Երկիրն ունի բազային կայաններ, որոնք աշխատում են մարտկոցներով: Դրանք դեռ հնարավոր չէ օգտագործել, քանի որ դժվար է դրանք հասցնել որոշ շրջաններ։

Նշվում է, որ Մասկին պատկանող SpaceX-ն այս տարվա առաջին եռամսյակում պետք է ուղեծիր արձակի Թուրքիայի առաջին կապի արբանյակը՝ Turksat 6A-ն: