Երկրաշարժից հետո Սիրիան Իսրայելից օգնություն չի խնդրել․ ԶԼՄ

Երկրաշարժից հետո Սիրիայի իշխանությունները օգնություն չեն խնդրել Իսրայելից։ Այս մասին գրում է Al-Watan-ի սիրիական հրատարակությունը՝ վկայակոչելով սիրիացի անանուն պաշտոնյային։

«Ամոթալի է, որ Նեթանյահուն օգտագործում է Սիրիայում տեղի ունեցած երկրաշարժը՝ հասարակական կարծիքը փոխելու և էքսպանսիոնիստական ​​ու ագրեսիվ քաղաքականությունը քողարկելու համար»,- ասել է նա։

Նրա խոսքով, ոչ մի սիրիական գործակալություն չի դիմել Իսրայելին՝ օգնություն ցուցաբերելու խնդրանքով, քանի որ Իսրայելը «տարածաշրջանում անախորժությունների, պատերազմների և լարվածության աղբյուր է»։

Ավելի վաղ հայտնի էր դարձել, որ Իսրայելը համաձայնել է օգնություն ցուցաբերել Սիրիային երկրաշարժից հետո՝ Ռուսաստանի դիմումից հետո։ Խոսքը երկրաշարժից տուժածների համար նախատեսված դեղերի ու առաջին անհրաժեշտության պարագաների մասին է։

Իսրայելն ու Սիրիան պատերազմում են 1948 թվականից և չունեն դիվանագիտական ​​հարաբերություններ։