Երկրաշարժից վնասվել է Հալեպի Կիլիկյան երկրորդական վարժարանը (լուսանկարներ)

Հալեպի Կիլիկյան երկրորդական վարժարանը երկրաշարժի հետևանքով նյութական վնասներ է կրել։ Այդ մասին տեղեկանում ենք «Գանձասար»-ի ֆեսբուքյան էջից։

«Վարժարանի տնօրէնութիւնը որոշած է փակ պահել վարժարանին դռները՝ մինչեւ որ համապատասխան մարմիններ ստուգեն կառոյցին կայուն մնալու հաւանականութիւնն ու անհրաժեշտ նորոգութիւնները կատարեն»,-գրված է էջում։

Հիշեցնենք՝ Թուրքիայում գրանցված երկրաշարժների հետևանքով, վերջին տվյալների համաձայն, զոհերի թիվը 2921 է, վիրավորներինը՝ 15834։ Տուժել են նաև սիրիական Հալեպ, Լաթաքիա, Համա և Տարտուս նահանգները: Այնտեղ, վերջին տվյալների համաձայն, զոհվել է 711, վիրավորվել՝ 1431 մարդ։

Ավելի ուշ տեղի էր ունեցել ևս մեկ երկրաշարժ, ուժգնությունը՝ 7,6 մագնիտուդ։ Փորձագետները 3 տասնյակ հետցնցումներ են գրանցել։ 

Երկրաշարժը զգացվել է նաև Լիբանանում, Իրաքում, Իսրայելում, Վրաստանում, Աբխազիայում, փոքր հետցնցումներ են եղել Սոչիում։