Ինչ ունեցվածք են հայտարարագրել ֆինանսների նախարարն ու փոխնախարարները

Շարունակելով ներկայացնել բարձրաստիճան պաշտոնյաների կողմից ներկայացրած գույքի և եկամուտների հայտարարարգրերը՝ այսօր կանդրադառնանք ֆինանսների նախարարության ղեկավար կազմին:

Դիցուք՝ նախարար Վահե Հովհաննիսյանը հայտարարարգրել է այգետնակ, երկու հատ TOYOTA և մեկ HONDA  մակնիշի ավտոմեքենաներ, 1,050,000.00 դոլարի բաժնային արժեթուղթ, 35,380,000.00 դրամի հանձնած և վերադարձված փոխառություն, բանկային հաշիվների մնացորդը կազմել է  47,192.16 դոլար և 3,698,603.55 դրամ: Պաշտոնյան կանխիկ հայտարարարգրել է 8,000.00 ԱՄՆ դոլար: Հաշվետու տարվա եկամուտները կազմել են 1,196,397.55 ԱՄՆ դոլար և 5,044,955.00 ՀՀ դրամ:

Էդուարդ Պողոսյանը դեռևս հայտարարագիր չի ներկայացրել, նույնը պետք է ասել նաև Վահան Սիրունյանի մասին:

Փոխնախարար Արման Պողոսյանը հայտարարագրել է անհատական բնակելի տուն, հողամաս, բազմաբնակարան շենքի ոչ բնակելի տարածք, բնակարան բազմաբնակարան շենքում: Որպես տրանսպորտային միջոց փոխնախարարը հայտարարագրել է 2019-ին ձեռք բերված TOYOTA մակնիշի ավտոմեքենա: Եվս մեկ ավտոմեքենա՝ նույն մակնիշի, փոխնախարարը ձեռք է բերել 2021-ին: Պաշտոնյայի բանկային ավանդները կազմել են 47,939.00 դրամ: Բանկային հաշիվների մնացորդը՝  684,708.00 դրամ: Պաշտոնյան հայտարարագրել է կանխիկ 2,000.00 եվրո և  31,000.00 դրամ: Հաշվետու տարվա եկամուտները կազմել են 21,720,434.00 դրամ:

Փոխնախարար Ավագ Ավանեսյանը հայտարարագրել է բնակարան Երևանի կենտրոն վարչական շրջանում: Վերջինիս բանկային հաշվի մնացորդը կազմել է  5,890,000.00 դրամ: Հաշվետու տարվա եկամուտներն իրենց հերթին կազմել են 13,000,000.00 դրամ։