ՀՀ նախագահն ընդունել է «Հայաստանի փոքրիկ երգիչներ» երգչախմբի հիմնադիր ղեկավար Տիգրան Հեքեքյանին
ՏեսանյութերՀանրապետության նախագահ Վահագն Խաչատուրյանն ընդունել է «Հայաստանի փոքրիկ երգիչներ» երգչախմբի հիմնադիր ղեկավար, Սայաթ-Նովայի անվան երաժշտական դպրոցի տնօրեն Տիգրան Հեքեքյանին:
Ինչպես տեղեկանում ենք նախագահի աշխատակազմի տարածած հաղորդագրությունից, հանդիպման ընթացքում մաեստրո Հեքեքյանը նախագահին է ներկայացրել ընթացիկ տարում «Հայաստանի փոքրիկ երգիչներ» երգչախմբի օրակարգում գտնվող ստեղծագործական միջոցառումներն ու համերգային ծրագրերը: Մաեստրո Հեքեքյանը նշել է նաև, որ հաջորդ տարի լրանում է Սայաթ-Նովայի անվան երաժշտական դպրոցի հիմնադրման 90-ամյակը, ինչը նշանակալի իրադարձություն է հայ երաժշտարվեստի պատմության համար և հոբելյանական միջոցառումներին դպրոցը պետք է պատշաճ կերպով պատրաստ լինի:
Զրույցի ընթացքում Տիգրան Հեքեքյանն անդրադարձել է նաև «Հայաստանի փոքրիկ երգիչներ» երգչախմբի ստեղծագործական գործունեության համար առկա խնդիրներին և դրանց լուծման ուղիներին, ինչպես նաև երգչախմբի բնականոն գործունեության համար անհրաժեշտ շենքային պայմանների կարևորությանը:
Վահագն Խաչատուրյանն ընդգծել է, որ հնարավորությունների սահմաններում պատրաստակամորեն կաջակցի հայկական երաժշտարվեստի հանրահռչակման գործում կարևոր դերակատարություն ունեցող երգչախմբի ստեղծագործական ծրագրերի իրականացմանը:
Հանդիպման ավարտին երկուստեք պայմանավորվածություն է ձեռք բերվել առաջիկայում կրկին հանդիպել և շարունակական դարձնել ոլորտային խնդիրների լուծման ուղղությամբ աշխատանքային քննարկումները:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
