Էրդողանին մեղադրել են երկրաշարժի հետևանքով զանգվածային զոհերի և ավերածությունների մեջ․ Spiegel
Համաշխարհային Մամուլ
Թուրքական ընդդիմության առաջնորդ Քեմալ Քըլըչդարօղլուն քննադատել է նախագահ Ռեջեփ Թայիփ Էրդողանին՝ մեղադրելով նրան բազմաթիվ զոհերի և ավերածությունների մեջ։
Նա մեղադրել է պետության ղեկավարին իր կառավարման 20 տարիների ընթացքում նման երկրաշարժի չպատրաստվելու մեջ։
«Եթե որևէ մեկը կրում է իրադարձությունների այս ընթացքի հիմնական պատասխանատվությունը, դա Էրդողանն է»,- ասել է Քեմալ Քըլըչդարօղլուն։
Թուրքիայում լայնածավալ միջազգային փրկարարական գործողությունն այժմ բուռն ընթացքի մեջ է։ Տուժած նահանգներ և շրջաններ են ուղարկվել մոտ 16000 փրկարարական և որոնողական խմբեր։ Դրանք ներառում են մոտավորապես 60 հազար մարդ։
«Մենք ունենք բարդացնող գործոն, դա ցուրտն է։ Այժմ այն մինուս չորսից մինուս հինգ աստիճան է»,- ասել է Փրկարար շների դաշնային ասոցիացիայի փոխնախագահ Հենրի Պալետան:
Նրա խոսքով՝ դեռ մարդկանց փրկելու հույս կա։ Պալետան հավելել է, որ հայտնի են չորսից հինգ օր փլատակների տակ ողջ մնալու դեպքեր:
Ամենադիտված 
Մնաս բարյավ. Րաֆֆի Հովհաննիսյան
