Թուրքիայում զոհերի թիվն աճում է

Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիայում տեղի ունեցած երկրաշարժի հետևանքով զոհերի թիվը հասել է 16546-ի։ Այս մասին հայտնում է Anadolu-ն։

Նրա խոսքով՝ տուժել է 66132 մարդ։

Ավելի վաղ հայտնի էր դարձել, որ Թուրքիայում տեղի ունեցած երկրաշարժերից հետո զոհերի թիվը հասել է 16170-ի։

Թուրքիայի Քահրամանմարաշ նահանգում փետրվարի 6-ի վաղ առավոտյան 7,7 մագնիտուդ ուժգնությամբ երկրաշարժ է տեղի ունեցել։ Նախագահ Ռեջեփ Թայիփ Էրդողանի խոսքով՝ այն դարձել է ամենաուժեղը 1939 թվականից ի վեր։ Ավելի ուշ փորձագետները երեք տասնյակ հետցնցումներ են գրանցել, իսկ օրվա կեսին՝ նոր հզոր երկրաշարժ։ Հետագա օրերին ստորգետնյա ցնցումներ են զգացվել երկրի կենտրոնում։

Թուրքիայում յոթնօրյա համազգային սուգ է հայտարարվել, իսկ աղետից տուժած տասը նահանգներում եռամսյա արտակարգ դրություն է սահմանվել։