Իրանի հետախուզությունը հայտնաբերել է Սպահանում ԱԹՍ-ներով հարձակման հեղինակներին

Իրանական հետախուզությունը ձերբակալել է Սպահանի հսկվող օբյեկտի վրա անօդաչու թռչող սարքի հարձակման հեղինակներին, փետրվարի 10-ին հաղորդել է ԻՌՆԱ-ն:

2023 թվականի հունվարի 28-ի երեկոյան ժամը 23:30-ի սահմաններում անօդաչու թռչող սարքի կողմից հարձակման է ենթարկվել Սպահանում գտնվող Իրանի պաշտպանության նախարարության արտադրական համալիրներից մեկը:

3 անօդաչու թռչող սարքի հարձակումը հակաօդային պաշտպանության ուժերի կողմից հետ է մղվել։ Մեկ անօդաչու թռչող սարք խոցվել է հակաօդային պաշտպանության համակարգով, մյուս երկուսն ընկել են պաշտպանական թակարդներն ու պայթել։